بلندی کی پیمائش
جتنے اونچے ہیں اتنے ہی خاموش ہیں
کن پہاڑوں میں رہنا پڑا ہے مجھے
سارے اپنی بڑائی کی دھن میں مگن
دیکھتے جا رہے ہیں مگر بات کرتے نہیں
بات کرتے ہیں تو خود سے آگے کوئی لفظ کہتے نہیں!
اپنے ہی بوجھ سے
میری خاموشی کوزہ کمر ہو گئی۔۔۔ تو چلی
اک بڑی خامشی کی طرف
اور مری ننھی سی خامشی نے کہا
دھرتی خاموش ہے
یہ خموشی کا گھونگھٹ اٹھائے تو میں اس کی سانسیں گنوں
اے قدیمی خموشی!
جو تو اور میں چپ کی چادر اتاریں
تو دھرتی تکلم کا ملبوس پہنے
پہاڑوں سے ایسی صدائیں اٹھیں
جو سمندر کے سینے میں سوراخ کر دیں
یہ کچلی ہوئی خلق اٹھے
تو چیخوں سے پاتال ہلنے لگے
موج نالہ روانی کرے
اور سینوں میں سہمی صداؤں کی برفوں کو پانی کرے
لفظ ممنوع پھر سے چلے
سوچ کی سرزمیں پر نئی تخم کاری کرے
خیر و شر کی حدوں پر نئی حد کو جاری کرے
اے بڑی خامشی!۔۔۔ اے۔۔۔
مگر خامشی پہلے سے بڑھ کر خاموش تھی!
دل کے غرفوں میں سوئی صداؤ!
اٹھو! صور آدم اٹھاؤ
سرافیلؔ سویا پڑا ہے
تمہی کوئی شور قیامت جگاؤ
اٹھو بے نواؤ!
تمہی اپنی مٹی کی دھڑکن میں دھڑکن ملاؤ
تمہارے بدن پر ہے تعمیر جن کی
صداؤں کی لرزش سے
ان اونچے برجوں کو مل کر زمیں بوس کر دو!
کسی کو نہیں مانتی ہیں
صدائیں، کوئی اونچا نیچا نہیں جانتی ہیں!
(725) ووٹ وصول ہوئے
In Urdu By Famous Poet Shahzad Nayar. is written by Shahzad Nayar. Enjoy reading Poem on Inspiration for Students, Youth, Girls and Boys by Shahzad Nayar. Free Dowlonad by Shahzad Nayar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends