اردو
میں اردو ہوں
مجھے غیروں سے کیا خطرہ
کبھی دشمن سے ہوتا ہی نہیں خطرہ کسی کو بھی
سبب تم بھی سمجھتے ہو
کہ دشمن ہر گھڑی ہر پل
مقابل ہی رہا کرتا ہے دشمن کے
مقابل سے تو میدانوں میں اکثر جنگ ہوتی ہے
نتیجہ جنگ کا تم بھی سمجھتے ہو
محاذ جنگ پر خطر ہے نہیں ہوتا
شکست و فتح ہوتی ہے
تو پھر خطرہ کہاں سے ہے
سنو روداد غم
دل تھام کر سننا ذرا لوگو
مجھے خطرہ ہے اپنوں سے
مجھے خطرہ ہے شاعر اور دانشور ادیبوں سے
مجھے نقاد سے خطرہ محقق سے مجھے خطرہ
یہ سارے لوگ وہ ہیں جو تعلق سے مرے اب تک
زمیں سے عرش تک
دعوے تو کرتے ہیں بلندی کے
محافظ خود کو اردو کا کہا کرتے ہیں یہ اکثر
یہ دعویٰ سب بجا لیکن
کوئی پوچھے ذرا ان سے
تمہارے پیارے بچوں میں کوئی ایسا بھی بچہ ہے
کہ جس کو آپ نے اردو سے بہرہ ور کیا اب تک
اگر کوئی یہ پوچھے گا
شکن ماتھے پہ آئے گی نفی میں سر جھکائیں گے
یہی قاتل تو ہیں میرے
یہی تو میرے اپنے ہیں
انہیں سے مجھ کو خطرہ ہے
انہیں پہچان لو لوگو
انہیں پہچان لو لوگو
(631) ووٹ وصول ہوئے
In Urdu By Famous Poet Shams Ramzi. is written by Shams Ramzi. Enjoy reading Poem on Inspiration for Students, Youth, Girls and Boys by Shams Ramzi. Free Dowlonad by Shams Ramzi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends