دوستی میں فاصلے ہوتے نہیں

دوستی میں فاصلے ہوتے نہیں

پیار میں یہ تجزیے ہوتے نہیں

کیا ضروری ہے کہ وہ مجرم بھی ہوں

جن کے حق میں فیصلے ہوتے نہیں

سوچ کر تم یہ تعلق توڑتے

ٹوٹ کر پتے ہرے ہوتے نہیں

روشنی ہوتی نہیں اس بزم میں

جس میں شامل دل جلے ہوتے نہیں

معرکے سر ہوتے ہیں جن کے طفیل

ان کے اکثر تذکرے ہوتے نہیں

اپنے تو اپنے ہی ہوتے ہیں فقط

اپنوں میں اچھے برے ہوتے نہیں

ان کا ڈر جاتا نہیں تاثیر کیوں

ہاں وہی جو حادثے ہوتے نہیں