روح کو آج ناز ہے اپنا وقار دیکھ کر

روح کو آج ناز ہے اپنا وقار دیکھ کر

اس نے چڑھائیں تیوریاں میرا قرار دیکھ کر

قصد گلہ نہ تھا مگر حشر میں جوش شوق سے

ہاتھ مرا نہ رک سکا دامن یار دیکھ کر

دیکھ کے ایک بار انہیں دل تو ہاتھ دھو چکے

دیکھیے کیا گزرتی ہے دوسری بار دیکھ کر

آتے ہیں وہ تو پہلے ہی رنج سے صاف ہو رہوں

آ کے کہیں پلٹ نہ جائیں دل میں غبار دیکھ کر

کعبے کو جا نہ شوقؔ ابھی نیت زندگی بخیر

ہم بھی چلیں گے تیرے ساتھ اب کی بہار دیکھ کر

وصل سے گزرے اے خدا ہاں یہ شگون چاہئے

صبح کو ہم اٹھا کریں روئے نگار دیکھ کر

(537) ووٹ وصول ہوئے

Your Thoughts and Comments

In Urdu By Famous Poet Shauq Qidvai. is written by Shauq Qidvai. Enjoy reading  Poem on Inspiration for Students, Youth, Girls and Boys by Shauq Qidvai. Free Dowlonad  by Shauq Qidvai in PDF.