خدایا ہند پر تیری عنایت ہو عنایت ہو
خدایا ہند پر تیری عنایت ہو عنایت ہو
برادر کو برادر سے محبت ہو محبت ہو
نہ ہندو کو مسلماں سے عداوت ہو عداوت ہو
مسلماں کو نہ ہندو سے کدورت ہو کدورت ہو
تری اے پھوٹ جس گھر میں اقامت ہو اقامت ہو
نہ کیوں بے انتہا اس میں مصیبت ہو مصیبت ہو
یہی ہے مدعا اپنا یہی ہے التجا اپنی
وطن میں رات دن یا رب مسرت ہو مسرت ہو
شرف اس خاک کے پتلے کو ہے انسان ہونے کا
غریب زار پر جس کی عنایت ہو عنایت ہو
حقیقت میں وہی ہے بہرہ ور عشق حقیقی سے
عروس ملک سے جس کو محبت ہو محبت ہو
عبادت نام ہے اس کا شریعت ہے لقب اس کا
دل و جاں سے جو خلقت کی اطاعت ہو اطاعت ہو
جو ہو ہمدرد خلقت کا وطن کا جو مربی ہو
غضب ہے ذات پر اس کی اذیت ہو اذیت ہو
دل و جاں دین و ایماں ملک و دولت پر جو عادی ہیں
الٰہی ان کی آنکھوں میں مروت ہو مروت ہو
سزا وار خطاب خضر وہ انساں ہے دنیا میں
کہ رہ گم کردہ کی جس سے ہدایت ہو ہدایت ہو
تجھے اے برقؔ ہم سمجھیں گے اہل دل اگر تجھ سے
دم مشکل خلایق کی اعانت ہو اعانت ہو
(585) ووٹ وصول ہوئے
In Urdu By Famous Poet Shyam Sunder Lal Barq. is written by Shyam Sunder Lal Barq. Enjoy reading Poem on Inspiration for Students, Youth, Girls and Boys by Shyam Sunder Lal Barq. Free Dowlonad by Shyam Sunder Lal Barq in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends