اشک خونیں ہے شفق آج مری آنکھوں میں

اشک خونیں ہے شفق آج مری آنکھوں میں

سانجھ پھولی ہے ترے باج مری آنکھوں میں

ایک دن نین جھروکے کی طرف سیں گزرو

مردم چشم ہے محتاج مری آنکھوں میں

بیٹھ کر تخت مرصع پہ مری پتلی کے

ہے مبارک جو کرو راج مری آنکھوں میں

باغ میں نرگس حیراں نے تجھے دیکھ کہی

تیری آنکھوں سی کہاں لاج مری آنکھوں میں

آج کی رات عجب رات مبارک ہے سراجؔ

اس کی صورت کوں ہے معراج مری آنکھوں میں