اس لب کوں کب پسند ہیں رسمی کٹوریاں

اس لب کوں کب پسند ہیں رسمی کٹوریاں

لالہ کے پھول کی ہیں جسے قہوہ خوریاں

دام و قفس نہ چاہئے دل کے شکار کوں

کرتی ہیں بند آنکھ کے ڈوروں کی ڈوریاں

ہے بس کہ دور ساغر چشم پری رخاں

گر گئی ہیں دل کے طاق سیں نرگس کی غوریاں

ہنستے ہو کیوں جو تم نے مرا دل نہیں لئے

معلوم ہوئیں تمہاری نگاہوں کی چوریاں

اب غم کی رات سیر چراغاں ہے اے سراجؔ

یہ اشک گرم تیل ہے آنکھیں سکوریاں