کچھ اس طرح غم الفت کی کائنات لٹی

کچھ اس طرح غم الفت کی کائنات لٹی

مری زبان سے نکلی ہر ایک بات لٹی

قضا ضرور تھی آنی مگر زہے تقدیر

جہاں میں حسن کے ہاتھوں مری حیات لٹی

خبر ہوئی کسی مدہوش عیش کو نہ ذرا

ہماری بزم تمنا تمام رات لٹی

تباہ عشق ہیں بلبل چکور پروانہ

رہ جہاں میں نہ صرف آدمی کی ذات لٹی

نہ جام ہے نہ صراحی ہے دیکھ اے ساقی

مرے نہ ہونے سے بزم تکلفات لٹی

مجھے تو لوٹ لیا اشکؔ رنج و غم نے مگر

مری کسی سے نہ بزم تخیلات لٹی