میرا وہم و گمان رہنے دے

میرا وہم و گمان رہنے دے

سن مجھے بے زبان رہنے دے

درد دل کامران رہنے دے

اے محبت جوان رہنے دے

مجھ میں اونچی اڑان رہنے دے

میری حسرت جوان رہنے دے

مردہ لوگوں کی بستیاں ویراں

میرے جذبوں میں جان رہنے دے

جا بجا جمع سورجوں کی بھیڑ

مان اے آسمان رہنے دے

ایک چپ سی لگی ہوئی اچھی

رہنے دے داستان رہنے دے

میں بھی خود کو بچا سکوں خود سے

ایسا حرف بیان رہنے دے

کام بننے لگیں اگر یوں ہی

سب کے سب رام بان رہنے دے

گرنتھ اک پریم کا پڑھا مجھ کو

اور کتابوں کا گیان رہنے دے

آگ میں جل رہا ہوں برسوں سے

اب مرا امتحان رہنے دے