Mausam Ho Koi Yaad Ke KHeme Nahin UThte

mausam ho koi yaad ke KHeme nahin uThte

sahra se tere chahne wale nahin uThte

hain raqs ke aalam mein sulagte hue chehre

aise to kisi ghar se janaze nahin uThte

ek pyas ne kaisa ye mujhe toD diya hai

hathon se mere aaj bhi kuze nahin uThte

suraj ke tamanche se falak jag gaya hai

bistar se magar phir bhi sitare nahin uThte

ghar apne namazi to sabhi lauT gae hain

masjid se magar aaj musalle nahin uThte

muddat se shab-o-roz ke mathe pe likha hai

aa jaen jo ek bar zamane nahin uThte

hai us ke azabon pe karam us ka musallat

rahmat ke kabhi ghar se farishte nahin uThte

(822) Peoples Rate This

Your Thoughts and Comments

Mausam Ho Koi Yaad Ke KHeme Nahin UThte In English By Famous Poet Wafa Naqvi. Mausam Ho Koi Yaad Ke KHeme Nahin UThte is written by Wafa Naqvi. Read famous Poem Mausam Ho Koi Yaad Ke KHeme Nahin UThte for youth and Student by Wafa Naqvi. Free Download Mausam Ho Koi Yaad Ke KHeme Nahin UThte in PDF.