خوف نامہ
ناف کٹتی ہے زخم جلتا ہے
خوف دھڑکن کے ساتھ چلتا ہے
ہر رگ جاں میں سرسراتا ہے
سانس کے ساتھ آتا جاتا ہے
کھال کو چھال سے ملاتی ہے
سنسنی رونگٹے بناتی ہے
طاق جاں میں چراغ رکھتا ہے
خوف وحشت کا تیل چکھتا ہے
سجدۂ غم میں گر گیا زاہد
سرسراتی جبیں میں خوف لیے
ہو گیا انگبین سے نمکین
ذائقہ آستیں میں خوف لیے
سانپ لشکر کے ساتھ چلتا ہے
میمنہ میسرہ میں خوف لیے
حسن غمزے کے دم سے قائم ہے
اپنی ہر ہر ادا میں خوف لیے
زندگی ایک فرش ہے جس پر
ڈر اٹھائیں تو ہول بچھتا ہے
شاہراہ حیات کے اوپر
خوف کا تارکول بچھتا ہے
مذہب ایجاد کرتا رہتا ہے
معبد آباد کرتا رہتا ہے
یہ تو اندر کی سنگ ساری ہے
خوف برباد کرتا رہتا ہے
فہم و دانش کے زرد سوداگر
وسوسوں کی کپاس بیچتے ہیں
روح کی مارکیٹ ان کی ہے
جو عقیدے ہراس بیچتے ہیں
زندگی ہم سفر ہے لیکن خوف
راستے میں اتار دیتا ہے
پرچۂ جاں کے ہر شمارے میں
واہمہ اشتہار دیتا ہے
موت خود مارتی نہیں جتنا
موت کا خوف مار دیتا ہے
(665) ووٹ وصول ہوئے
In Urdu By Famous Poet Waheed Ahmad. is written by Waheed Ahmad. Enjoy reading Poem on Inspiration for Students, Youth, Girls and Boys by Waheed Ahmad. Free Dowlonad by Waheed Ahmad in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends