Aap Se Aap Ayan Shahid-e-mani Hoga

aap se aap ayan shahid-e-mani hoga

ek din gardish-e-aflak se ye bhi hoga

aankhen banwaiye pahle zara ai hazrat-e-qais

kya inhin aankhon se nazzara-e-laili hoga

shauq mein daman-e-yusuf ke uDenge TukDe

dast-e-gustaKH se kya dur hai ye bhi hoga

lakhon is husn pe mar jaenge dekha-dekhi

koi ghash hoga koi mahw-e-tajalli hoga

husn-e-zati bhi chhupae se kahin chhupta hai

sat pardon se ayan shahid-e-mani hoga

hosh uDenge jo zamane ki hawa bigDegi

chaar hi din mein KHizan gulshan-e-hasti hoga

aur umDega dil-e-zar jahan tak chheDo

ye bhi kya koi KHazana hai ki KHali hoga

dil dhaDakne laga phir subh-e-judai aai

phir wahi dard wahi pahlu-e-KHali hoga

ye to farmaiye kya hum mein rahega baqi

dil agar dard-e-mohabbat se bhi KHali hoga

ek chullu se bhi kya 'yas' rahoge mahrum

bazm-e-mai hai to koi sahab-e-dil bhi hoga

(623) Peoples Rate This

Your Thoughts and Comments

Aap Se Aap Ayan Shahid-e-mani Hoga In English By Famous Poet Yagana Changezi. Aap Se Aap Ayan Shahid-e-mani Hoga is written by Yagana Changezi. Read famous Poem Aap Se Aap Ayan Shahid-e-mani Hoga for youth and Student by Yagana Changezi. Free Download Aap Se Aap Ayan Shahid-e-mani Hoga in PDF.