Thokaren Khilwain Kya-kya Pa-e-be-zanjir Ne

Thokaren khilwain kya-kya pa-e-be-zanjir ne

gardish-e-taqdir ne jaulani-e-tadbir ne

aalam-e-asbab se kya faiz-e-nakaami mila

rah par la kar mujhe bhaTka diya taqdir ne

karwan kitne bagule ban ke ghaeb ho gae

KHak se yaksan kiya jaulan-e-gah-e-tadbir ne

baz aae zindagi ke KHwab-e-ranga-rang se

dast o pa gum kar diye andesha-e-tabir ne

dad-KHwahi ko uTha hai zarra-e-pamal tak

sote fitnon ko jagaya hashr-e-alam-gir ne

matam-e-hasrat kiya pahle gareban phaD kar

phir dua di dushmanon ko dast-e-be-shamshir ne

jaan de kar ek hukm-e-aKHiri mana to kya

likh diya jab sarkashon mein katib-e-taqdir ne

wah kya kahna mujassam kar diya mauhum ko

naqsh-bandan-e-azal ki shoKHi-e-tahrir ne

jam gai gard-e-fana aisi ki chhuTne ki nahin

kis ghazab ka rang pakDa 'yas' ki taswir ne

(551) Peoples Rate This

Your Thoughts and Comments

Thokaren Khilwain Kya-kya Pa-e-be-zanjir Ne In English By Famous Poet Yagana Changezi. Thokaren Khilwain Kya-kya Pa-e-be-zanjir Ne is written by Yagana Changezi. Read famous Poem Thokaren Khilwain Kya-kya Pa-e-be-zanjir Ne for youth and Student by Yagana Changezi. Free Download Thokaren Khilwain Kya-kya Pa-e-be-zanjir Ne in PDF.