Yar Hai Aaina Hai Shana Hai
yar hai aaina hai shana hai
chashm-e-bad-dur kya zamana hai
jhankne takne ka waqt gaya
ab wo hum hain na wo zamana hai
wahshat-angez hai nasim-e-bahaar
kya junun-KHez ye zamana hai
saqiya arsh par hai apna dimagh
sar hai aur tera aastana hai
dagh-e-hasrat se dil ho malamal
yahi daulat yahi KHazana hai
mahsharistan-e-arzu-e-visal
dil hai kya ek kar-KHana hai
lo bujha chahta hai dil ka kanwal
KHatm ab ishq ka fasana hai
kya kahin uD ke ja nahin sakte
wo chaman hai wo aashiyana hai
'yas' ab aap mein na aaenge
wasl ek maut ka bahana hai
Yagana Changezi 
(1034) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544