Kar-e-din Us But Ke Hathon Hae Abtar Ho Gaya
kar-e-din us but ke hathon hae abtar ho gaya
jis musalman ne use dekha wo kafar ho gaya
dilbaron ke naqsh-e-pa mein hai sadaf ka sa asar
jo mera aansu gira us mein so gauhar ho gaya
kya badan hoga ki jis ke kholte jame ka band
barg-e-gul ki tarah har naKHun moattar ho gaya
aankh se nikle pa aansu ka KHuda hafiz 'yaqin'
ghar se jo bahar gaya laDka so abtar ho gaya
Yaqeen Inamullah Khan 
(745) Peoples Rate This