Sahn-e-chaman Mein Har-su Patthar
sahn-e-chaman mein har-su patthar
phul to phul hai KHushbu patthar
aaj ek ek kiran pathrai
suraj tare jugnu patthar
pathrae pathrae chehre
aankhen patthar aansu patthar
meri jaanib har jaanib se
aae hain be-qabu patthar
rah-e-wafa par chalna mushkil
har-su kanTe har-su patthar
ahl-e-jafa se hath milate
ho gae mere bazu patthar
is mahaul mein gar jina hai
'yazdani' ho ja tu patthar
Yazdani Jalandhari 
(1214) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544