Qaid-e-ulfat Ka Maza Zulf-e-girah-gir Mein Hai

qaid-e-ulfat ka maza zulf-e-girah-gir mein hai

bas yahi rang mere KHwab ki tabir mein hai

miThi miThi si kasak us ke bhi dil mein hogi

halki halki si khanak panw ki zanjir mein hai

us ko tahqir ki nazron se na dekho yaro

rang kirdar ka pinhan meri taswir mein hai

ku-ba-ku ek tajassus liye phirta hai mujhe

ab ye daryuza-gari hi meri taqdir mein hai

KHun ro deta agar tujh pe ayan ho jata

tu ne samjha hi kya jo kuchh meri tahrir mein hai

tum bhi 'ghazi' ki tarah dil ke ewaz jaan de do

ishq-e-kaamil ka maza bas isi tadbir mein hai

(1437) Peoples Rate This

Your Thoughts and Comments

Qaid-e-ulfat Ka Maza Zulf-e-girah-gir Mein Hai In English By Famous Poet Yunus Ghazi. Qaid-e-ulfat Ka Maza Zulf-e-girah-gir Mein Hai is written by Yunus Ghazi. Read famous Poem Qaid-e-ulfat Ka Maza Zulf-e-girah-gir Mein Hai for youth and Student by Yunus Ghazi. Free Download Qaid-e-ulfat Ka Maza Zulf-e-girah-gir Mein Hai in PDF.