Pas Hote Hue Juda Kyun Hai
pas hote hue juda kyun hai
is qadar hum se wo KHafa kyun hai
tauba kar li jab us ne pine se
jaanib-e-mai-kada gaya kyun hai
nikhat-e-gul chaman mein hai maujud
jaane aawara phir saba kyun hai
mujh pe jaur-o-sitam hi achchhe the
mehrban ab wo bewafa kyun hai
hain sabhi par tumhaare mehr-o-karam
mujh pe lekin sitam rawa kyun hai
zulf bikhri hai sham se pahle
ye ada kya hai ye ada kyun hai
talib-e-did kab se hai 'ghazi'
wo hijabaat mein chhupa kyun hai
Yunus Ghazi 
(951) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544