Pukarta Hun Ki Tum Hasil-e-tamanna Ho

pukarta hun ki tum hasil-e-tamanna ho

agarche meri sada bhi sada-ba-sahra ho

jahan tumhaara hai hoga wahi jo tum chaho

mujhe bhi chahne do kuchh agar to phir kya ho

jahan o ahl-e-jahan ko kisi se kaam nahin

mere qarib to aao ki tum bhi tanha ho

zamana madfan-e-ayyam hai KHamosh raho

na jaane kaun hamari sada ko sunta ho

bharam khula hai to aise har ek ko dekhta hun

ki jaise main ne kabhi aadmi na dekha ho

tera karam hai ki mein tere dam se jita hun

mera nasib ki tu mere dam se ruswa ho

tere KHayal mein gum ho ke tai kiye main ne

wo marhale ki jahan mauj aabla-pa ho

saza-e-zist qayamat sahi magar hum log

wo zinda hain jinhen har roz roz-e-farda ho

dhaDakte dil ki sada bhi ajib shai hai 'zafar'

ki jaise koi mere sath sath chalta ho

(528) Peoples Rate This

Your Thoughts and Comments

Pukarta Hun Ki Tum Hasil-e-tamanna Ho In English By Famous Poet Yusuf Zafar. Pukarta Hun Ki Tum Hasil-e-tamanna Ho is written by Yusuf Zafar. Read famous Poem Pukarta Hun Ki Tum Hasil-e-tamanna Ho for youth and Student by Yusuf Zafar. Free Download Pukarta Hun Ki Tum Hasil-e-tamanna Ho in PDF.