Us Se Mera To Koi Dur Ka Rishta Bhi Nahin

us se mera to koi dur ka rishta bhi nahin

aur ye bhi hai ki wo shaKHs paraya bhi nahin

wo mere gham se ho anjaan kuchh aisa bhi nahin

wo mera haal magar puchhne aaya bhi nahin

ghair ko qurb mayassar hai magar ai hamdam

meri KHatir to tera dur ka jalwa bhi nahin

umr bhar sath nibhane ka karun kya wada

zindagi ab to mujhe KHud pe bharosa bhi nahin

is qadar mujh ko raha aabru-e-gham ka KHayal

rona chaha to magar phuT ke roya bhi nahin

ek teri jo tamanna na rahi ai hamdam

mere dil mein to kisi shai ki tamanna bhi nahin

ek wo hain ki unhen aai hai aaram ki nind

ek main hun ki kabhi chain se soya bhi nahin

baz aate bhi nahin zulm-o-sitam se apne

dekh pate ho magar mera taDapna bhi nahin

chhoDe jati hai magar ye bhi tujhe yaad rahe

zindagi tere siwa ab koi apna bhi nahin

kis tarah phail gai bu-e-hina har jaanib

us ke bare mein abhi main ne to socha bhi nahin

mujh ko haalat ne behis hi bana kar chhoDa

mere sine mein ye dil hai ki dhaDakta bhi nahin

bhul ke sare sitam hum to chale jate 'zafar'

par hamein us ne kabhi dil se bulaya bhi nahin

(637) Peoples Rate This

Your Thoughts and Comments

Us Se Mera To Koi Dur Ka Rishta Bhi Nahin In English By Famous Poet Zafar Ansari Zafar. Us Se Mera To Koi Dur Ka Rishta Bhi Nahin is written by Zafar Ansari Zafar. Read famous Poem Us Se Mera To Koi Dur Ka Rishta Bhi Nahin for youth and Student by Zafar Ansari Zafar. Free Download Us Se Mera To Koi Dur Ka Rishta Bhi Nahin in PDF.