Chehra Lala-rang Hua Hai Mausam-e-ranj-o-malal Ke Baad

chehra lala-rang hua hai mausam-e-ranj-o-malal ke baad

hum ne jine ka gur jaana zahr ke istimal ke baad

kis ko KHabar thi muKHtari mein honge wo itne majbur

hum apne se sharminda hain un se arz-e-haal ke baad

apne siwa apne rishte mein aur bhi kuchh duniyaen thin

hum ne apna haal likkha lekin digar ahwal ke baad

aankhen yun hi bhig gain kya dekh rahe ho aankhon mein

baiTho sahab kaho suno kuchh mile ho kitne sal ke baad

toDe kitne aaine aur chhan liye kitne aafaq

koi na manzar aankh mein Thahra us ke aks-e-jamal ke baad

naqsh-gari ka buta ho to dhup chhanw mein rang bahut

chehra KHud ban jaega teDhi-meDhi ashkal ke baad

(598) Peoples Rate This

Your Thoughts and Comments

Chehra Lala-rang Hua Hai Mausam-e-ranj-o-malal Ke Baad In English By Famous Poet Zafar Gorakhpuri. Chehra Lala-rang Hua Hai Mausam-e-ranj-o-malal Ke Baad is written by Zafar Gorakhpuri. Read famous Poem Chehra Lala-rang Hua Hai Mausam-e-ranj-o-malal Ke Baad for youth and Student by Zafar Gorakhpuri. Free Download Chehra Lala-rang Hua Hai Mausam-e-ranj-o-malal Ke Baad in PDF.