جب بھی وہ مجھ سے ملا رونے لگا
جب بھی وہ مجھ سے ملا رونے لگا
اور جب تنہا ہوا رونے لگا
دوستوں نے ہنس کے جب بھی بات کی
وہ ہنسا پھر چپ رہا رونے لگا
جب بھی میرے پاؤں میں کانٹا چبھا
پتہ پتہ باغ کا رونے لگا
آبیاری کے لیے آیا تھا کون
ہر شجر مرجھا گیا رونے لگا
چاند نکلا جب محرم کا کہیں
چپ سے دشت کربلا رونے لگا
اس پہ کیا بیتی ہے اپنے شہر میں
آشنا ناآشنا رونے لگا
میرے دشمن کا رویہ تھا عجب
جب ہوا مجھ سے جدا رونے لگا
بادلوں نے آج برسایا لہو
امن کا ہر فاختہ رونے لگا
دیکھ کر مسجد میں مجھ کو مضطرب
میرے غم میں بت کدہ رونے لگا
تھا ظفرؔ کا اک انوکھا ماجرا
غور سے جس نے سنا رونے لگا
(896) ووٹ وصول ہوئے
Jab Bhi Wo Mujhse Mila Rone Laga In Urdu By Famous Poet Zafar Hameedi. Jab Bhi Wo Mujhse Mila Rone Laga is written by Zafar Hameedi. Enjoy reading Jab Bhi Wo Mujhse Mila Rone Laga Poem on Inspiration for Students, Youth, Girls and Boys by Zafar Hameedi. Free Dowlonad Jab Bhi Wo Mujhse Mila Rone Laga by Zafar Hameedi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends