Ek Nadi Mein SaikDon Dariya Ki Tughyani Mili
ek nadi mein saikDon dariya ki tughyani mili
Dubne wale ko mar jaane ki aasani mili
hashiya-bardar se puchha samundar ne miyan
aaj tak ek mauj bhi tum ko na diwani mili
sar-phiri pagal hawa ko rokna dushwar tha
ek hi din ke liye thi us ko sultani mili
tishna-lab talab ne baadal ko phir dhoka diya
phir wahi sahra wahi sahra ki virani mili
har safar se kashtiyon ka lauTna mumkin nahin
kya pata kab lahr koi dushman-e-jaani mili
aage pichhe sab ko maqtal se guzarna hai 'zafar'
kyun samajhte hain ki hum ko hi pareshani mili
Zafar Imam 
(1028) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544