Larzish-e-parda-e-izhaar Ka Matlab Kya Hai
larzish-e-parda-e-izhaar ka matlab kya hai
hai ye diwar to diwar ka matlab kya hai
jis ka inkar hatheli pe liye phirta hun
jaanta hi nahin inkar ka matlab kya hai
ek bar us ne agar de hi diya saf jawab
phir usi baat pe israr ka matlab kya hai
bechna kuchh nahin is ne to KHaridar hain kyun
aaKHir is garmi-e-bazar ka matlab kya hai
us ki rahon mein bikhar jae ye KHakistar-e-chashm
aur apne liye didar ka matlab kya hai
rabt baqi nahin alfaz o maani mein 'zafar'
kya kahen us se ki is pyar ka matlab kya hai
Zafar Iqbal 
(1975) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544