Harf-e-tadbir Na Tha Harf-e-dilasa Raushan

harf-e-tadbir na tha harf-e-dilasa raushan

main jo Duba to hua sahil-e-dariya raushan

ahd mein apne musallat hai andheron ka azab

taq mein waqt ke rakh do koi lamha raushan

yusuf-asa sar-e-bazar hain ruswa lekin

wadi-e-ishq mein hai azm-e-zuleKHa raushan

jo meri man ne diya raKHt-e-safar ki surat

mere mathe pe abhi tak hai wo bosa raushan

tir andheron ke mujhe zad mein liye baiThe hain

jaise is bazm mein hun main hi akela raushan

ain mumkin hai pighal jaen andhere dil ke

ai 'zafar' aise mein ho gar koi naghma raushan

(580) Peoples Rate This

Your Thoughts and Comments

Harf-e-tadbir Na Tha Harf-e-dilasa Raushan In English By Famous Poet Zafar Moradabadi. Harf-e-tadbir Na Tha Harf-e-dilasa Raushan is written by Zafar Moradabadi. Read famous Poem Harf-e-tadbir Na Tha Harf-e-dilasa Raushan for youth and Student by Zafar Moradabadi. Free Download Harf-e-tadbir Na Tha Harf-e-dilasa Raushan in PDF.