KHush-guman Har Aasra Be-asra Sabit Hua

KHush-guman har aasra be-asra sabit hua

zindagi tujh se talluq khokhla sabit hua

jab shikayat ki kabida-KHatiri hasil hui

sabr-e-mahrumi mera harf-e-dua sabit hua

be-talab milti rahen yun to hazaron nematen

the talab ki aas mein barham to kya sabit hua

ru-ba-ru hote hue bhi hum rahe manzil se dur

ek ana ka masala zanjir-e-pa sabit hua

aah bhar kar chal diye sab hi tamasha dekh kar

waqt par jo DaT gaya wo dewta sabit hua

TuT kar bikhra mere dil se yaqin ka aaina

main use samjha tha kya lekin wo kya sabit hua

sans jo aaya badan mein tha wafa se ham-kanar

aur jab wapas hua to bewafa sabit hua

sar ke shaidai bahut mayus mahfil se uThe

jab 'zafar' jaisa suKHan-war be-nawa sabit hua

(777) Peoples Rate This

Your Thoughts and Comments

KHush-guman Har Aasra Be-asra Sabit Hua In English By Famous Poet Zafar Moradabadi. KHush-guman Har Aasra Be-asra Sabit Hua is written by Zafar Moradabadi. Read famous Poem KHush-guman Har Aasra Be-asra Sabit Hua for youth and Student by Zafar Moradabadi. Free Download KHush-guman Har Aasra Be-asra Sabit Hua in PDF.