Zard Patton Ko Hawa Sath Liye Phirti Hai

zard patton ko hawa sath liye phirti hai

dam-gazida hain qaza sath liye phirti hai

rakh ho jae na faqon ke jahannam mein hayat

be-kasi apni chita sath liye phirti hai

man ke honTon se thi nikli dam-e-ruKHsat jo dua

mujh ko ab tak wo dua sath liye phirti hai

aas ki rakh mein DhunDen nai ummid koi

zindagi bim-o-raja sath liye phirti hai

sach ka hai qaht yahan jhuT ka bazar hai garm

ab hamein mauj-e-fana sath liye phirti hai

ek patthar hai bahut jhil ke sannaTe ko

KHamushi koh-e-nida sath liye phirti hai

apne sae se gurezan nahin ek tu hi 'rabab'

shahr bhar ko ye waba sath liye phirti hai

(635) Peoples Rate This

Your Thoughts and Comments

Zard Patton Ko Hawa Sath Liye Phirti Hai In English By Famous Poet Zafar Rabab. Zard Patton Ko Hawa Sath Liye Phirti Hai is written by Zafar Rabab. Read famous Poem Zard Patton Ko Hawa Sath Liye Phirti Hai for youth and Student by Zafar Rabab. Free Download Zard Patton Ko Hawa Sath Liye Phirti Hai in PDF.