Kis Ko Mili Taskin-e-sahil Kis Ne Sar Manjdhaar Kiya

kis ko mili taskin-e-sahil kis ne sar manjdhaar kiya

us tufan se guzre jis ne nadi nadi ko par kiya

ai farzano! diwanon ke jazba-e-dil ki qadr karo

un ki ek nazar ne aatish aatish ko gulzar kiya

ranj-e-mohabbat ranj-e-zamana donon hum se KHaif hain

hum ne soch samajh kar dil ko sargarm-e-paikar kiya

sahra sahra hum ne nok-e-KHar se talwe sahlae

mahfil mahfil hum ne apni wahshat ka iqrar kiya

un se kah do samne aa kar apne jalwe aam karen

KHalwat-e-naz mein chhup na sakenge hum ne agar israr kiya

hum ne apne ishq ki KHatir zanjiren bhi dekhin hain

hum ne un ke husn ki KHatir raqs bhi zer-e-dar kiya

basti basti aaj hamari sai-e-wafa ki shohrat hai

hum ne 'zahir' ek aalam ko paband-e-nigah-e-yar kiya

(583) Peoples Rate This

Your Thoughts and Comments

Kis Ko Mili Taskin-e-sahil Kis Ne Sar Manjdhaar Kiya In English By Famous Poet Zaheer Kashmiri. Kis Ko Mili Taskin-e-sahil Kis Ne Sar Manjdhaar Kiya is written by Zaheer Kashmiri. Read famous Poem Kis Ko Mili Taskin-e-sahil Kis Ne Sar Manjdhaar Kiya for youth and Student by Zaheer Kashmiri. Free Download Kis Ko Mili Taskin-e-sahil Kis Ne Sar Manjdhaar Kiya in PDF.