Marna Azab Tha Kabhi Jina Azab Tha
marna azab tha kabhi jina azab tha
mera mushir ishq sa KHana-KHarab tha
wo bargah meri wafa ka jawaz thi
us aastan ki KHak mera hi shabab tha
dil bhi sanam-parast nazar bhi sanam-parast
is aashiqi mein KHana hama-aftab tha
tu kab maal-e-jaur-o-jafa ko samajh saka
tera jamal tere liye bhi hijab tha
wo husn kis qadar adab-amoz tha 'zahir'
qad KHama-e-rawan tha to chehra kitab tha
Zaheer Kashmiri 
(1044) Peoples Rate This