Mausam Badla Rut Gadrai Ahl-e-junun Bebak Hue

mausam badla rut gadrai ahl-e-junun bebak hue

fasl-e-bahaar ke aate aate kitne gireban chaak hue

gul-buTon ke rang aur naqshe ab to yunhi miT jaenge

hum ki farogh-e-subh-e-chaman the paband-e-fitrak hue

mohr-e-taghayyur is dhaj se aafaq ke mathe par chamkao

sadiyon ke uftada zarre ham-dosh-e-aflak hue

dil ke gham ne dard-e-jahan se mil ke baDa bechain kiya

pahle palken pur-nam thin ab aariz bhi namnak hue

kitne alhaD sapne the jo dur sahar mein TuT gae

kitne hansmukh chehre fasl-e-bahaaran mein ghamnak hue

barq-e-zamana dur thi lekin mishal-e-KHana dur na thi

hum to 'zahir' apne hi ghar ki aag mein jal kar KHak hue

(1112) Peoples Rate This

Your Thoughts and Comments

Mausam Badla Rut Gadrai Ahl-e-junun Bebak Hue In English By Famous Poet Zaheer Kashmiri. Mausam Badla Rut Gadrai Ahl-e-junun Bebak Hue is written by Zaheer Kashmiri. Read famous Poem Mausam Badla Rut Gadrai Ahl-e-junun Bebak Hue for youth and Student by Zaheer Kashmiri. Free Download Mausam Badla Rut Gadrai Ahl-e-junun Bebak Hue in PDF.