Wahi LaDki Wahi LaDka Purana
wahi laDki wahi laDka purana
kahin hota hai ye qissa purana
akele-pan mein ab ek tazgi hai
hua jata hai har rishta purana
jahan-e-aql ka insan jahil
naya jughrafiya naqsha purana
jahan dekho wahi farsuda manzar
jidhar niklo wahi rasta purana
naya shair bhi uljha hai zaban mein
ye ustadon se bhi nikla purana
na uktao jo be-par ki uDae
ki 'zahid' yar hai apna purana
Zahid Farani 
(999) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544