Chhanw Se Usne Daman Bhar Ke Rakkha Hai
chhanw se us ne daman bhar ke rakkha hai
jis ne dhup ko upar sar ke rakkha hai
pal pal KHun bahata hun in aankhon se
main ne KHud ko manda mar ke rakkha hai
sari baat hi pahle qadam ki hoti hai
pahla qadam hi tu ne Dar ke rakkha hai
apne hi bas pichhe bhagta rahta hun
KHud ko hi bas aage nazar ke rakkha hai
KHud hi khaDe hue hain apne pairon par
hath apna hi upar sar ke rakkha hai
'shaz' us se hi KHush hota hai waqt ustad
yaad sabaq sab jis ne kar ke rakkha hai
Zakariya Shaz 
(830) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544