Raushni LaTki Hui Talwar Si
raushni laTki hui talwar si
husn-afza zindagi KHun-KHwar si
KHushbuon ki narm ham-aghoshiyan
darmiyan ek aahani diwar si
samne sad-rang nusKHe, mashware
zindagi sadiyon se kuchh bimar si
kali aankhon mein shahabi karwaTen
koi KHwahish raat mein bedar si
mahw se hote hue aKHbari shor
yaad ki aahaT achanak tar si
unghti si har taraf bedariyan
aankh us ki har tarah hushyar si
dil wahi barbaad aur sadiyon ki gard
waqt ki har fath bhi be-kar si
Zakauddin Shaya.n 
(1185) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544