Main Tishna Tha Mujhe Sar-chashma-e-sarab Diya
main tishna tha mujhe sar-chashma-e-sarab diya
thake badan ko mere pattharon mein dab diya
jo dastaras mein na tha meri wo mila mujh ko
bisat-e-KHak se bahar jahan-e-KHwab diya
ajab karishma dikhaya ba-yak qalam us ne
hawa chillai samundar ko naqsh-e-ab diya
mein rakh ho gaya diwar-e-sang takte hue
suna sawal na us ne koi jawab diya
tahi-KHazana nafas tha bacha ke kya rakhta
na us ne puchha na main ne kabhi hisab diya
phir ek naqsh ka nairang 'zeb' bikhrega
mere ghubar ko phir us ne pech-o-tab diya
Zeb Ghauri 
(1099) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544