Suraj Ne Ek Nazar Mere ZaKHmon Pe Dal Ke
suraj ne ek nazar mere zaKHmon pe Dal ke
dekha hai mujh ko khiDki se phir sar nikal ke
rakhte hi panw ghumti chakraati rah ne
phenka hai mujh ko dur KHala mein uchhaal ke
kya KHwahishen zamin ke niche dabi rahin
ghaaron se kuchh mujassame nikle visal ke
chhan chhan ke aa rahi ho guphaon mein raushni
tan par wahi libas hon peDon ki chhaal ke
rangon ki rau hai 'zeb' ki gardish mein hai mudam
be-shakl-o-jism ubhre hain paikar KHayal ke
Zeb Ghauri 
(1225) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544