Faisla Kya Ho Jaan-e-bismil Ka

faisla kya ho jaan-e-bismil ka

maut ruKH dekhti hai qatil ka

dil-lagi hai sambhaalna dil ka

naseha kaam hai ye mushkil ka

maut bhi kanp kanp uThti hai

nam sun sun ke mere qatil ka

mil ke talwon se hans ke kahte hain

tha zamane mein shor usi dil ka

hasraten is pate par aati hain

dagh-e-dil hai charagh manzil ka

kya qarine se gul hain gulshan mein

rang uDaya kisi ke mahfil ka

aap ko kho ke tum ko DhunDh liya

hausla tha ye mere hi dil ka

be-naqab us ne kis ko dekh liya

rang faq hai jo mah-e-kaamil ka

hans ke phulon ko wo karenge subuk

rang uDaenge hum anadil ka

zikr-e-gham bazm-e-yar mein 'zeba'

rang bhi dekhte ho mahfil ka

(583) Peoples Rate This

Your Thoughts and Comments

Faisla Kya Ho Jaan-e-bismil Ka In English By Famous Poet Zeba. Faisla Kya Ho Jaan-e-bismil Ka is written by Zeba. Read famous Poem Faisla Kya Ho Jaan-e-bismil Ka for youth and Student by Zeba. Free Download Faisla Kya Ho Jaan-e-bismil Ka in PDF.