Wo Jo Ek Shakl Mere Chaar Taraf Bikhri Thi
wo jo ek shakl mere chaar taraf bikhri thi
main ne jab ghaur se dekha to meri apni thi
phir asiron pe kisi KHwab ne jadu Dala
raat kuchh halqa-e-zanjir mein KHamoshi thi
yun to aadab-e-mohabbat mein sabhi jaez tha
phir bhi chup rahne mein ek shan dil-awezi thi
raat bhar jagne walon ne pas-e-shama-e-zard
subh ek KHwab ki surat ki tarah dekhi thi
shorish-e-sher mein KHamosh si kyun hai 'zehra'
achchha-KHasa to kabhi wo bhi kaha karti thi
Zehra Nigaah 
(1087) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544