Kitne Imkan The Jo KHwabon Ke Sahaare Dekhe
kitne imkan the jo KHwabon ke sahaare dekhe
mawara the jo nazar se wo nazare dekhe
parde uThte gae aankhon se to rafta rafta
barg-e-gul barf mein patthar mein sharare dekhe
dil pe us waqt khula hausla-e-gham ka jamal
apne har rang mein jab rup tumhaare dekhe
aasare jate rahe aas abhi baqi hai
pau bhi phuTegi jahan Dubte tare dekhe
dil ko KHun karne ki hasrat ho use bhi shayad
sahab-e-sada agar rang hamare dekhe
KHub-o-na-KHub mein kya farq karen hum ki yahan
jab hawa palTi to muDte hue dhaare dekhe
mujhe is bazm mein kahna to bahut kuchh tha 'ziya'
bujh gae lafz jab aankhon ke ishaare dekhe
Zia Jalandhari 
(1218) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544