Wo Aa Gaya To Sara Pari-KHana Ji UTha
wo aa gaya to sara pari-KHana ji uTha
aaraish-e-jamal se aaina ji uTha
mujh tak pahunch gaya to baDi baat jaaniye
aawaz-e-pa se jis ki mera zina ji uTha
yaran-e-mai-kada jo kabhi yaad aa gae
mujh mein KHumar-e-mahfil-e-parina ji uTha
the didani libason mein tarshe hue badan
oDhi jo us ne shaal to pashmina ji uTha
chae ki mez par gai shamon ka zikr tha
mujh mein bhi ek talluq-e-derina ji uTha
Zubair Rizvi 
(1103) Peoples Rate This