Hum Kahan Aa Gae

hum kahan aa gae

sare be-samt hain

qafile karwan sarban

ek sailab-e-adam rawan chaar su

ek tag-o-taz-e-kar-e-jahan

aasman se pare sair-e-sayyargan

aur zamin-doz pahnaiyon mein

nigahon ki hairaniyan

ab kahin bhi nahin

matam-e-marg-e-be-chaargan

har adalat mein insaf ki arziyan

baatilon ki tarafdariyan

phir uTha le gae banu-e-be-rida

sare chup-chap hain

koi pursan nahin

girya-e-tifl-e-be-chaargan

koi sunta nahin

KHwab bimar aankhon mein marte hue

KHud-kushi chaar-su bain karti hui

ye meri arz-e-jannat-nishan

jo pukari gai

qibla-e-arfan mabad-e-nuriyan

kucha-e-dilbaran basti-e-ashiqan

maqtal-e-harf-o-saut-o-sada ban gai

ab lahu-rang hain sare tishna-laban

sadiq-o-sadiqa

naz-bardar-e-ashuftagan

(599) Peoples Rate This

Your Thoughts and Comments

Hum Kahan Aa Gae In English By Famous Poet Zubair Rizvi. Hum Kahan Aa Gae is written by Zubair Rizvi. Read famous Poem Hum Kahan Aa Gae for youth and Student by Zubair Rizvi. Free Download Hum Kahan Aa Gae in PDF.