Jabr-e-haalat Ka To Nam Liya Hai Tumne
jabr-e-haalat ka to nam liya hai tum ne
apne sar bhi kabhi ilzam liya hai tum ne
mai-kashi ke bhi kuchh aadab baratna sikho
hath mein apne agar jam liya hai tum ne
umr guzri hai andhere ka hi matam karte
apne shole se bhi kuchh kaam liya hai tum ne
hum faqiron se sataish ki tamanna kaisi
shahryaron se jo inam liya hai tum ne
qarz bhi un ke muani ka ada karna hai
garche lafzon se baDa kaam liya hai tum ne
un usulon ke kabhi zaKHm bhi khae hote
jin usulon ka bahut nam liya hai tum ne
lab pe aate hain bahut zauq-e-safar ke naghme
aur har gam pe aaram liya hai tum ne
Aal-e-Ahmad Suroor 
(1684) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544