Itna Aasan Nahin Masnad Pe BiThaya Gaya Main
itna aasan nahin masnad pe biThaya gaya main
shahr-e-tohmat teri galiyon mein phiraya gaya main
mere hone se yahan aai hai pani ki bahaar
shaKH-e-girya tha sar-e-dasht lagaya gaya main
ye to ab ishq mein ji lagne laga hai kuchh kuchh
is taraf pahle-pahal gher ke laya gaya main
KHub itna tha ki diwar pakaD kar nikla
us se milne ke liye surat-e-saya gaya main
tujh se kuchh kahne ki himmat hi nahin thi warna
ek muddat teri dahliz tak aaya gaya main
KHalwat-e-KHas mein bulwane se pahle 'tabish'
aam logon mein bahut der biThaya gaya main
Abbas Tabish 
(2614) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544