Yun Bhi Dil Ahbab Ke Humne Gahe Gahe Rakkhe The
yun bhi dil ahbab ke hum ne gahe gahe rakkhe the
apne zaKHm-e-nazar par KHush-fahmi ke phahe rakkhe the
hum ne tazad-e-dahr ko samjha do-rahe tartib diye
aur baratne nikle to dekha sah-rahe rakkhe the
raqs-kada ho bazm-e-suKHan ho koi kargah-e-fan ho
zardozon ne apni ma-tahti mein julahe rakkhe the
mohtasibon ki KHatir bhi apne izhaar mein kuchh pahlu
rakh to liye the hum ne ab chahe an-chahe rakkhe the
jo wajh-e-rahat bhi na the aur TuT gae to gham na hua
aah wo rishte kyun hum ne ek umr nibahe rakkhe the
kahkashan-bandi mein suKHan ki rah gai 'saz' kasar kaisi
lafz to hum ne chun ke najume mohre mahe rakkhe the
Abdul Ahad Saaz 
(1198) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544