Kya Yahan Dekhiye Kya Wahan Dekhiye

kya yahan dekhiye kya wahan dekhiye

aap hi aap hain ab jahan dekhiye

ghar jala dekhiye wo dhuan dekhiye

aag pahunchi kahan se kahan dekhiye

dekhiye ta-kamar zulf ka shoabada

uljhanen ban gain dastan dekhiye

mujh ko malum hai aap masum hain

jal gaya hoga yun hi makan dekhiye

bujh gai shama parwane ruKHsat hue

luT gaya shauq ka karwan dekhiye

ishq roz-e-azal se mata-e-yaqin

husn hai aaj bhi bad-guman dekhiye

aaiye mere dil mein bhi waqt-e-ghazal

ek dariya-e-atish rawan dekhiye

husn ki ehtiyat-e-hasin dekh kar

ishq ka iltihab-garan dekhiye

is tamashe ka jab aap ko shauq hai

hum jalate hain apna makan dekhiye

ismat-e-dil hai aur gham ka aatish-kada

aag ban jaegi gulistan dekhiye

ishtiyaq-e-jabin apna dekhenge hum

aap virani-e-astan dekhiye

aap ke samne aur tab-e-suKHan

KHush-bayan kitne hain be-zaban dekhiye

tur hi ki tarah jal na jae kahin

jalwa-bari se pahle makan dekhiye

ramz-o-ima ghazal ki agar jaan hain

aap 'tarzi' ka husn-e-bayan dekhiye

(1263) Peoples Rate This

Your Thoughts and Comments

Kya Yahan Dekhiye Kya Wahan Dekhiye In English By Famous Poet Abdul Mannan Tarzi. Kya Yahan Dekhiye Kya Wahan Dekhiye is written by Abdul Mannan Tarzi. Read famous Poem Kya Yahan Dekhiye Kya Wahan Dekhiye for youth and Student by Abdul Mannan Tarzi. Free Download Kya Yahan Dekhiye Kya Wahan Dekhiye in PDF.