Mere Gale Se Aan Ke Pyara Jo Phir Lage
mere gale se aan ke pyara jo phir lage
ye abr ye bahaar mujhe KHub-tar lage
bin dekhe us pyare ke aankhon ne apna haal
aisa kiya hai jaise ki baran ka jhaD lage
mat is ada o naz se gulshan mein kar guzar
Darta hun main mabaada kisi ki nazar lage
ho chaar chashm kaun sake aise yar se
aankhon ke dekhte hi piya ki KHatar lage
har lail o har nahaar teri zat-e-pak se
kahta hai 'aftab' dua-e-sahar lage
Aftab Shah Alam Sani 
(955) Peoples Rate This