Pata Nahin Hun Aur Kisi Kaam Se Lazzat
pata nahin hun aur kisi kaam se lazzat
jo kuchh ki main pata hun tere nam se lazzat
kaifiyaten is dida-e-maigun se jo pain
pai na kabhi baade se aur jam se lazzat
zahir hai teri nargis-e-maKHmur se masti
Tapke hai tere lal-e-mai-asham se lazzat
pata hun maza bekali aur dard ka aisa
pawe hai koi jaise ki aaram se lazzat
rakhta hai hawas bose ki tere shah-e-'alam'
pawega bahut tere is inam se lazzat
Aftab Shah Alam Sani 
(830) Peoples Rate This