Ghairat-e-ishq Salamat Thi Ana Zinda Thi

ghairat-e-ishq salamat thi ana zinda thi

wo bhi din the ki rah-o-rasm-e-wafa zinda thi

qais ko dosh na do rakhiyo na farhad ko nam

inhi logon se mohabbat ki ada zinda thi

shahr-e-bimar ke har kucha o baam o dar par

hum bhi marte the ki jab KHalq-e-KHuda zinda thi

bujh gain shamen to dam toD gae jhonke bhi

jis tarah zahr-e-raqabat se hawa zinda thi

yaad-e-ayyam ki sahra-e-mohabbat mein 'faraaz'

jaras-e-qafila-e-dil ki sada zinda thi

(1487) Peoples Rate This

Your Thoughts and Comments

Ghairat-e-ishq Salamat Thi Ana Zinda Thi In English By Famous Poet Ahmad Faraz. Ghairat-e-ishq Salamat Thi Ana Zinda Thi is written by Ahmad Faraz. Read famous Poem Ghairat-e-ishq Salamat Thi Ana Zinda Thi for youth and Student by Ahmad Faraz. Free Download Ghairat-e-ishq Salamat Thi Ana Zinda Thi in PDF.