Hamesha Dil Hawas-e-intiqam Par Rakkha

hamesha dil hawas-e-intiqam par rakkha

KHud apna nam bhi dushman ke nam par rakkha

wo baadshah-e-firaq-o-visal hai us ne

jo bar sab pa giran tha ghulam par rakkha

kiye hain sab ko ata us ne ohda o mansab

mujhe bhi sina-KHarashi ke kaam par rakkha

koi sawar uTha hai pas-e-ghubar-e-fanaa

qaza ne hath kulah o niyam par rakkha

kisi ne be-sar-o-pai ke bawajud mujhe

zamin-e-sajda o arz-e-qayam par rakkha

(939) Peoples Rate This

Your Thoughts and Comments

Hamesha Dil Hawas-e-intiqam Par Rakkha In English By Famous Poet Ahmad Javed. Hamesha Dil Hawas-e-intiqam Par Rakkha is written by Ahmad Javed. Read famous Poem Hamesha Dil Hawas-e-intiqam Par Rakkha for youth and Student by Ahmad Javed. Free Download Hamesha Dil Hawas-e-intiqam Par Rakkha in PDF.