Main Pareshan Hun Milen Chand Niwale Kaise
main pareshan hun milen chand niwale kaise
us ko daulat wo mili hai ki sambhaale kaise
ungliyan apni naginon se sajaane wale
tujh ko lagte hain mere hath ke chhaale kaise
ilm se pher lin tu ne jo nigahen apni
phir tere zehn mein phuTenge ujale kaise
dekhte rah gae pani ki rawani hum log
raste logon ne dariya mein nikale kaise
umr lag jati hai ek ghar ko banane mein hamein
makaDiyan rose hi bun leti hain jale kaise
tu ne 'aKHlaq' qasam khai thi zabt-e-gham ki
phir ye palkon pe nami honTon pe nale kaise
Akhlaque Bandvi 
(944) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544