Gham-zada Hain Mubtala-e-dard Hain Nashad Hain
gham-zada hain mubtala-e-dard hain nashad hain
hum kisi afsana-e-ghamnak ke afrad hain
gardish-e-aflak ke hathon bahut barbaad hain
hum lab-e-ayyam par ek dukh bhari fariyaad hain
hafize par ishraton ke naqsh baqi hain abhi
tu ne jo sadme sahe ai dil tujhe bhi yaad hain
raat bhar kahte hain tare dil se rudad-e-shabab
in ko meri wo shabab-afroz raaten yaad hain
aKHtar'-e-na-shad ki parchhain se bachte rahen
jo zamane mein shagufta-KHatir o dil-e-shad hain
Akhtar Ansari 
(1941) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544